Саяхан хэдэн зураг Picasa-г ашиглаад зүйж байснаа түүнд хэрэглэсэн гэрэл зургийн усан тэмдэг тавих аргыг хараад энгийн зүйл ч гэсэн усан тэмдгийн талаар дэлгэрүүлж бага зэрэг өгүүлэхийг хичээлээ.
Тоон усан тэмдэг буюу digital watermark гэдэг нь тоон сигналд мэдээллийг эргүүлж авахааргүй шигтгэх (embedding) үйл ажиллагаа. Хэрэв энэ сигнал бүхий мэдээллийг хуулж авбал мэдээлэл хамт хуулагдаад явна. Үүнийг дэлгэцэд ил биш ч програмыг биелүүлснээр ил гарч ирэх график мэтийн хэлбэрт оруулсан өгөгдлөөр хэрэглэж болно. Тоон усан тэмдэгт зориулсан олон тооны хэрэглээ байдаг. Үүнд:
- Нэгдүгээрт эзэмшлийг харуулна. Жишээлбэл медиа объектын эзэмшигч хувийн түлхүүр ашиглан объект дээрээ тэмдэг байрлуулж болно. Хэрэв хэн нэгэн объектын эзэмшлийг булаацалдвал үндсэн эзэмшигч нууцлалдаа тайлал (decryption) хийж тэмдгийг сэргээж эзэмшлээ батална.
- Хоёрдугаар хэрэглээ нь зөвшөөрөлгүй хуулбарлалтыг илрүүлж болно.
- Гуравдугаарт хэрэглээ нь хуулийн хэргүүдэд фото зургийг үзүүлэх гэх мэтээр нотолгоо, үндэслэлтэйг батлах аргаар хангана.
- Дөрөвдүгээр хэрэглээ нь дэлгэцэд ил биш тэмдэглэгээнд хэрэглэнэ. Жишээлбэл тоон тэмдэг зургийн эзэн хэн байсан, хэзээ авсан зэрэг зургийн тухай нэмэлт мэдээллээр хангахад хэрэглэгдэнэ.
- Тавдугаарт тоон усан тэмдэг нь хэрэглээнээс болж өөрчлөгддөг хөдлөнги байдалтай байж болно, Жишээлбэл, медиа объект нэвтрүүлгийн агуулгыг хэдэн удаа хувилсан байна гэсэн тоог хөдлөнги байдлаар харуулдаг байж болно. Энэ тоо нь хувь хийгдэх бүрд багасахаар байхаар байж болно.
- ...
Усан тэмдгийн технологи хэрэглэгдээд удаагүй ч маш олон бүтээгдэхүүн түүнийг дэмжиж гарсаар байна. Энэ талаар нэмж дэлгэрүүлэхийг хүсвэл http://en.wikipedia.org/wiki/Digital_watermark хаягаар ороод цааш үзээрэй. Мэдээллийн аюулгүй байдал гээд хийхээсээ илүү хийгээгүй зүйлээ хамгаалах тухай яриад байгаа орчин үед мэдэхэд илүүдэхгүй юм уу гэж бодлоо. :-)
Comments