Гүүгл Драйв -ыг хэрэглэх явцад энэ нэрийн нууцыг бага ч гэсэн ойлгов. Гүүгл хайлтын хөдөлгүүр дээр суурилсан хүнд хэрэгтэй зүйлийг хаа нэгтэйгээс олж харуулдаг. Энэ зарчмаа л бүхэл бүтээгдэхүүндээ хэрэглэнэ. Оюутан, судлаач мөн ажил төрөлдөө Гүүгл Драйвыг хэрэглэгч нарт баримт бичиг боловсруулж байхад нь, илтгэл тавихад хэрэглэх үзүүлэнгээ бэлтгэж байхад нь ч хайлт хийх аргаар төвөггүй тусалж бүтээл ч ажиллах боломжийг олгоно. Баримт боловсруулах засварлах хөтөлбөр дотор нь багаж нэртэй цэсэд хайлтын хэсгийг судалгааны багаж гэж нэрлээд сонгож хэрэглэх боломжоор хангаж. Баримт боловсруулж засварлахдаа жолоогоо бүү мартаарай.
Судалгааны багаж (Research tool)
Судалгааны багаж таны боловсруулж буй баримт бичиг эсвэл үзүүлэнд вэбээс хэрэгцээтэй мэдээллийг хялбархан нэмэх боломжийг олгоно. Багажид хандахдаа:
- Багаж цэсээс Судалгаа багажийг сонгож авна(1).
- Товчлуурын дөт замыг хэрэглэх (Ctrl + Cmd + I on Mac, Ctrl + Alt + I on PC ?)
- Бичвэрийн үгийг хулганын баруун-товчоор сонгож судалгаа хийх горим сонгож болно.
Таны боловсруулж буй баримт бичиг эсвэл үзүүлэнгийн баруун гар талын цонхонд судалгаа багаж гарч ирнэ. Цонхны хайлтын зурваст үг бичихэд шууд вэбээс хайж эхэлнэ. Та өөрийн хайлтын илэрцийг тодорхой төрөлжүүлж (жишээ нь: зургаар, үг хэлцийг хашиж...) үзэх боломжтой бөгөөд түүнийг хайлтын зурваст байрлах унах цэсээс(2) сонгож ашиглана.
Баримт бичиг эсвэл үзүүлэнд мэдээллийг төрлөөр хайх
Судалгааны багаж хайлтын илэрцийг төрлөөр харуулна. Үүнд: вэб, зураг, хашилтаар онцолсон, газрын зураг, дүгнэлт, хувийн гэх мэтээр төрөлжсөн байж болно.
Хайлтын зурвасын зүүн талын буцах сум(3) өмнөх хуудсанд хайсан илэрц лүү хүргэх ба хойшлох сум эргэж одоогийн хайлтын илэрцийг харуулна. Энэ зааврын дагуу боловсруулж байгаа баримт бичиг эсвэл үзүүлэндээ тохирох хайлтыг хийж туршиж үзээрэй.
Вэб илэрц (Web results)
Вэб илэрц төрлөөр хайлтад хамаарах цөөн тооны вэбийг баруун талын
цонхонд харуулна. Хэрэв та энэ илэрцээс нэгийг сонгохоор бол дараах хэдэн боломж байна.
- Вэб сайтыг урьдчилан үзэх бол Preview(5) сонгоно. Урьдчилан үзэх зурвасын дээд талд байрлах сайтын холбоос дээр товшиход тусдаа цонхонд энэ хуудас нээгдэнэ эсвэл урьдчилан үзэх цэсийг сонговол хажууд зурвас нээгдэх ба зурвасын зүүн захад байрлах сумыг товшсоноор урьдчилан үзэхийг хаана.
- Өөрийн баримт бичгийн дотор вэб холбоосыг нэмж оруулахдаа Insert link -ыг сонгоно.
- Өөрийн баримт бичгийн хуудасны хөлд сонгосон вэбийн илэрцээр ишлэл үүсгэхийн тулд Cite -ыг(6) сонгоно.
Зураг (Images)
Зураг ерөнхий хайлтаар гарч ирдэг ч түүнийг тусгайлан зураг хайлтаар хайж болно. Өөрийн хайлтын илэрцийн хүрээг тодорхой нэг зургаар илрүүлэхийн тулд дүрс зураг “Images” гэдгийг сонгож байгаад хайлтын зурвас дээр хайх үгийг бичиж өгнө.
Хашилт (Quotations)
Өөрийн хайлтын илэрцийг тодорхой зүйлд чиглүүлэхдээ хашилт “Quotes” -ыг хайх зурвасын унах цэсээс сонго. Баримт бичигт хашилтаар сонгосон ишлэлээс оруулахдаа ишлэлийн доор байх Insert -ийг товшиход таны бэлтгэж буй баримтад ишлэл бүхлээрээ орж тухайн хуудасны хөлд хаанаас авсан сайтын холбоос зүүлтээр (презинтайшинд буюу үзүүлэн бэлтгэж байгаа бол зохиогчийн нэрийн холбоос) нэмэгдэж орно.
Жишээ нь хашилтаар: Mongolia гэдэг үгийг хайхад гарч ирсэн дараах ишлэлийг энд татаж оруулахад хуудасны хөлд сайтын холбоос орж ирэв. “As the economy grows and traffic congestion increases, there is great potential for an investment like this to have a substantial and positive impact on respiratory disease -- considered a leading cause of death in Mongolia” - Shane Rosenthal#
Өгүүллэгээр иш татах (Article citations)
Өөрийн хайлтын илэрцийг нарийсгаж зөвхөн судалгааны өгүүллэгээр хайлтыг хийхдээ зурвасын унах цэсийн “Scholar” буюу эрдмийн гэх үгийг сонгоно. Сонгонгуут таны унших эсвэл иш татах гэсэн өгүүллэгүүд гарч ирнэ. Үүнээс аль нэгийн товшиж сонго. Жижиг цонхны зүүн дээд тал Вэб эсвэл PDF файлын холбоос гарч ирэх бөгөөд түүгээр нээж уншиж болно. Харин цонхны баруун дээд талд үүнийг хэдэн удаа иш татсан тоо гарах бөгөөд тэр холбоосыг сонгоход энэ ишлэлийг иш татсан сайтуудын жагсаалт бүхий Google Scholar (Гүүгл эрдэм) -ийн хуудсанд таныг хөтөлж оруулна. Унших болон жагсаалтын хуудсанд шилжүүлэхдээ шинэ хуудас нээж ажилладаг. Энэ ишлэлийг нэг бол Cite as хуудасны хөлд иш татаж оруулах , эсвэл бичвэр дотор Insert шууд оруулах боломж байна.
Толь бичиг(Dictionary)
Өөрт чинь хэрэг болох үгийг Гүүглийн толиноос олоод баруун цонхон дээр харуулна. Түүнээс гадна бусад онлайн толь бичгээс хайж холбоосыг доор нь хавсаргаж харуулна.
Хувийн илэрц үүд(Personal Results)
Таны Драйв(Drive)-д байрлах баримт бичиг, үзүүлэн, хүснэгт гэх баримтаас, Пикаса(Picasa) дахь зургаас болон таны Гүүгл нэмэх(Google+)-ийн урсгалаас хайсан зүйлийг илрүүлж илэрцийг баруун цонхонд харуулна. Урьдчилан үзэх(Preview) ээр агуулгыг харах мөн үзүүлэн бэлтгэж байгаа бол олсон слайдаа бэлтгэж байгаа руу оруулах( Import Slides) боломжтой. Зөвхөн холбоос болон гарчгийг ч оруулах боломжоор хангана.
Иш татах форматын хэлбэр, таны баримтын зохиогчийн эрхэнд халдсан үед яаж ажиллах талаар тусламж цэсээс мэдээллийг дэлгэүүлэн унших боломжтой байна.
Comments